สรีสวัสดี ปี๋ใหม่เมือง - ป้อต่อนลูกตูน

เนื้อเพลง "สรีสวัสดี ปี๋ใหม่เมือง"

สงกรานต์บ้านเฮา เวียงเก่าม่วนแต้ ข่วงประตู่ต้าแป เปิ้นแห่ เปิ้นโห่ 

น้ำปิงเย็นไหล งามใสแต้น้อ หนุ่มสาวจ๊อยซอ เล่นสะล้อ ซอ ซึง ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

จ่างฟ้อนวัดไหน หน้าใสงามล้ำ ไหว้แจ่งกะต้ำ งามล้ำเจียงใหม่

นางงามปี๋นี้ เสื้อสีสดใส ก๋ายประตู๋เจียงใหม่ ใกล้ประตู่สวนปุง ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

* (หดน้ำดีดี สวัสดี ปี๋ใหม่ หดน้ำใสใส ปี๋ใหม่โจ๊กดี หดน้ำดีดี สวัสดี ปี๋ใหม่ หดน้ำใสใส ปี๋ใหม่โจ๊กดี 

ใส่เสื้อม่อฮ้อม ปั๋นปอน ดำหัว ตื่นเจ๊ากาดหมั้ว แต่งตั๋วคนเมือง

หดน้ำมาเต๊อะ หดน้ำมาแต๊ะ หดน้ำมาแล๊ะ หดน้ำมาเลย ดนตรี…………………..)

อ้ายบ่าวขี้ลม ดมหอมดอกเอื้อง เก๊าแจ่งกู่เฮือง รุ่งเรืองเมืองเก่า

ลงไปแจ่น้ำ อู้บ่าวอู้สาว วันนี้วันเนาว์ โจ้งสะเบ้า ข้าวตอก ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

เตียวไปจ้าจ้า จะฟั่งไปยู้ แก๋งอ่อมลาบลู้ ปากประตู๋สวนดอก 

อ้ายบ้าวบ้านไกล๋ จะใดซุกจ๊อก หัวเปี๊ยกป๊อกซ๊อก ซอบโหม่งโม้งโมง โมง ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

(*)

หอมมาใกล้ใกล้ “โหะ” ไผปิ่งจิ้น โก้งแจ่งหัวริน น้ำขมิ้นส้มป่อย

เลี้ยวไปตังซ้าย ผ่อฝายขึ้นดอย เลี้ยวขวามากอย วัดโลกโมฬี ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

ขนทรายเข้าวัด ตักบาตรได้บุญ น้ำปุ๊ปุ่งสูง ตุงประตู๋จ๊างเผือก

สามล้อถีบจ้า หนานตา ป้าเบื๊อก หดน้ำลืม “เกือก” กิ๋นก้าเผือก ก้ามัน ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

(*)

เข้าวัดป่าเป้า คุกเข่าไหว้ดล ตุ๊เป่าน้ำมนต์ ป้นทุกข์ป้นโศรก

กึดเป๋น คนดี บะดีไป “งก” ป้นทุกข์ป้นโศรก ป้นโรค ป้นภัย ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

วัดปันต๋าเกิ๋น ไผเอิ้นตังปู้น โก้งแจ่งศรีภูมิ มุมเมืองเจียงใหม่

ลุกตังใดมา ไหว้สามาไหว้ วันนี้ปีใหม่ สรีสวัสดี ตรึ่งตึงๆๆ อี้ออๆๆ โน๊งโนงๆๆ น๊อยๆๆๆๆๆ

(*)

”สรีสวัสดีปี๋ใหม่เมืองเจ้า……”